श्री गौरी उत्सव.

 ||श्री||

१) श्री गौरी आवाहन:- अनुराधा नक्षत्रावर केले जाते.

०३/०९/२०२२ शनिवार, भाद्रपद शु.७ शके १९४४.

अ) सका.०७:५५ ते सका. ०९:२८.

ब) दु. १२:३४ ते दु. ०१:५५.

क) दु. ०१:५५ ते सायं. ०५:१२.

 

२) श्री गौरी पूजन:- ज्येष्ठा नक्षत्रावर केले जाते.

०४/०९/२०२२ रविवार, भाद्रपद शु.८ शके १९४४.

सका. ०७:५५ ते दु. १२:३३.

 

३) श्री गौरी विसर्जन:- मूळ नक्षत्रावर केले जाते.

०५/०९/२०२२ सोमवार, भाद्रपद शु.९ शके १९४४.

अ) सका.०९:२८ ते सका. ११:००.

ब) दु.०२:०५ ते दु. ०३:३८.

श्री गणेश उत्सव - २०२२

 ||श्री||

मागील लेख:- जन्मवेळ निश्चिती -१ Rectification of Birth

जन्मवेळ निश्चिती -१ Rectification of Birth

 ||श्री||

मागील लेख:- जीवन दोर

जन्मवेळ निश्चिती -१

ज्योतिषांना सरावा साठी व ज्ञान आजमावण्या साठी काही ज्योतिष विषयक समूहांवर केस स्टडी दिल्या जातात. अश्याच एका समुहात प्रशासकांनी एक केस स्टडी दिली आहे. त्याचा प्रश्न खाली देत आहे मग मी त्यावर केलेला विचार मांडत आहे. 

प्रशासक, ४ ऑगस्ट रोजी ८:१८ PM वाजता·

थोडी वेगळ्या प्रकारची केस स्टडी:

१. रेक्टिफिकेशन.

जातकाने दिलेली जन्मतारीख व वेळ खालील प्रमाणे:

२२. ०८. १९७७ रात्री १२.०० जन्मस्थळ: मानवत जि. परभणी. १९.१८  ७६.३०

मी जेव्हा रेक्टिफिकेशन साठी रुलिंग प्लॅनेट घेतले त्यावेळी ग्रहस्थिती खालील प्रमाणे:

दि. ०१.०८.२०२२ वेळ रात्री ११.०० चिपळूण.

L –मीन-गु, S- उत्तरा फा.-र, R-कन्या-बु, D-सोमवार-चं.         

IMP: प्रत्येक ज्योतिषाने हेच RP वापरावेत असं नाही. स्वतः ते जेव्हा रेक्टिफिकेशन करायला बसतील त्या वेळेचे रुलिंग प्लॅनेट घ्यावेत. तारीख आणि वेळ या दोघांचाही विचार करावा.

Clue: जातकाचे दोन विवाह झालेले आहेत. 

२. पहिल्या विवाहाचा शेवट कोणत्या प्रकारे झाला असेल?

आपल्याला घटनांचे कालावधी शोधावयाचे नाहीत. ज्ञात उत्तर येत्या १५ ऑगस्ट रोजी जाहीर केले जाईल.

उत्तरे कृष्णमूर्ती पद्धतीने आणि विश्लेषणा सहित अपेक्षित आहेत. सहभाग घेतलेल्या ज्योतिषांच्या सर्व पोस्ट या ग्रुप साठी Pre-Approve केल्या जातील.

è 19°17'54.6"N 76°29'37.2"E (19.298505, 76.493660) मानवतचे हे स्थानांश मी घेतले आहे. कृष्णमूर्ती पद्धतीने सोडवायचे बंधन आहे तेव्हा त्या पद्धतीनेच विचार करत आहे त्यामुळे अर्थातच अयनांश कृष्णमूर्तीचे २३°/२६’/५३” आहेत.  प्रथम दिलेल्या तारीख वेळेचा सप्तमाचा सब शासक ग्रहात आहे का? पाहुया कारण संदर्भ विवाहाचा आहे. सप्तमाचा सब शुक्र आहे जो वरती दिलेल्या शासक ग्रहात नाही. म्हणजे रेक्टिफिकेशनचा करणे योग्य आहे. स्वत:चे RP वापरायची मुभा दिली असली तरी मी दिलेले RP च वापरणार आहे. तारीख आणि वेळ दोन्हींचा विचार करायला सांगितला आहे. तारखेचे म्हणाल तर २१ ऑग ला पहाटे  ४:१९ ते २२ ऑग. ला पहाटे ३:०५ पर्यंत चंद्र वृश्चिकेत गुरुच्या विशाखा नक्षत्रात होता. अगोदरचा राहू किंवा नंतरचा शनि शासकग्रहात नाही. गुरु शासक ग्रहात आहे, त्यामुळे २१/२२ या तारखांचाच विचार करायचा आहे. जन्म मध्यरात्रीचा आहे त्यामुळे २२ तारखेवरच सध्या तरी शिक्कामोर्तब करावा लागेल. जन्मवेळेचेही रेक्टिफिकेशन करायचे आहे पण मी ते सप्तमाच्या सब वरून करणार आहे. तरी चंद्राच्या कोरुलर वरून तारखे साठी येथे प्रयत्न करीत आहे कारण रात्री १२ च्या काही मिनिट जरी अगोदर जन्म झाला असेल तर तारीख २१ धरावी लागेल. वृश्चिकेत गुरु च्या नक्षत्रात चंद्र, मंगल, राहू हे सब येतात पैकी मंगळ, राहू शासक ग्रहात नाही त्यामुळे चंद्राचा सब घ्यावा लागेल. चंद्र वृश्चिकेत गुरुच्या नक्षत्रात चंद्राच्या सब मध्ये २१ ऑग. ला रात्री ९:२४:३२ ते रात्री १०:२१:१९ दरम्यान होता या मुळे तारीख २१ घ्यावी लागेल. १९७७ चा जन्म आहे त्यामुळे येवढा दीड दोन तासाचा फरक आपेक्षित नाही. काही मिनिटे किंवा फार फार तर अर्धा तास. जातकाने किती ते कितीच्या दरम्यान जन्म असावा असे काही सांगितलेले नाही. जन्मगाव काही फार मोठे नाही त्या काळी जर जन्म घरी झाला असेल तर मग मात्र चंद्राचा सब चा काळ विचारात घेता येईल. या संशयाचा फायदा घेवून जन्म २१/०८/१९७७ ला रात्री ९:२४:३२ ते रात्री १०:२१:१९ दरम्यान झाला असावा असे गृहीत धरू या. मंगळाची शासक ग्रहातील रविवर दृष्टी आहे त्यामुळे त्याचा शासक ग्रहात समावेश करता येईल. चंद्र मंगळाच्या सब मध्ये रात्री १०:२१:१९ ते रात्री २३:४०:४६ दरम्यान होता. बाकी सप्तमाच्या सब वर सोपवू या.

२१ ला विविक्षित ठिकाणी रात्री ९:३८ ते ११:२१ दरम्यान मेष लग्न होते. १४ मिनिटांसाठी आपल्याला मीन लग्नाचाही विचार करावा लागेल पण जन्म वेळ मध्यरात्रीच्या जवळ घेण्यासाठी सध्या आपण मेष लग्नाचा विचार करू म्हणजे सप्तमात तूळ रास येईल. तुलेत मंगळ, राहू, गुरु चे नक्षत्र आहेत. गुरु शासक ग्रहात आहे. सप्तमात गुरुचे नक्षत्र रात्री १०:४५:३० ते ११:२१:२४ दरम्यान होते. ह्या वेळात चंद्र मंगळाच्या सब मध्ये होता. स्वत:च्या सब मधला चंद्र घ्यायचा म्हटले तर सप्तमभाव मंगळाच्या नक्षत्रात घ्यावा लागेल. मंगळ काही प्रमुख शासकग्रह नाही. ज्या भावाचा सब आपण निश्चित करतो आहोत त्यासाठी प्रमुख शासकग्रह उपलब्ध असतांना त्याला डावलून दुसऱ्या फळीतील ग्रहाचा विचार का करायचा? तारीख निश्चित करतांना आपण चंद्र गुरुच्या नक्षत्रात घेतला आहे.

सप्तमभाव गुरुच्या नक्षत्रातील सब निवडतांना शासक ग्रहातील बुध चंद्र पैकी विचारात घ्यावे लागतील कारण रवि वक्री शनीच्या नक्षत्रात आहे. बुधाचा सब रात्री १०:५९:१५ ते ११:०६:०१ दरम्यान होता तर चंद्राचा सब ११:१९:२२ ते ११:२३:२७ दरम्यान होता. सप्तमाचा सब बुध कि चंद्र? जन्मवेळ आपण सप्तमाच्या सब वरून निश्चित करीत आहोत. सप्तमा संबंधी एक घटना आपल्यला सांगितली गेली आहे ती म्हणजे जातकाचे दोन विवाह झाले आहेत. या घटने वरून आपल्याला बुध कि चंद्र याचे उत्तर मिळेल. नियम असा आहे कि ‘सप्तमाचा सब बुध किंवा सब वा त्याचा नक्षत्र स्वामी व्दिस्वभाव राशीत असेल तर बहु विवाह होतात.’ झाले तर मग सप्तमाचा सब बुध आहे हे निश्चित कारण जातकाचे दोन विवाह झालेले आहेत नाही का? पण थांबा घाई नको. इथे जरा भूलभुलैया आहे. जन्म वेळी चंद्र जरी मंगळाच्या स्थिर राशीत असाला तरी त्याचा नक्षत्रस्वामी गुरु हा बुधाच्या मिथुन या व्दिस्वभाव राशीत आहे. म्हणजे चंद्राचा बुध व व्दिस्वभावरास दोन्हींशी संबंध आहे. आता आली का पंचाईत? परत आपण बुध कि चंद्र? इथेच आलो. ठीक आहे आता आपण असे करुया कि या पैकी जो व्दितीयाचा कार्येश असेल त्याची निवड करूयात. मूळ केपिचा विचार केला तर चंद्र सप्तमाचा सब होईल कारण त्याचा नक्षत्र स्वामी गुरु व्दितीयात आहे तर बुधाचा नक्षत्र स्वामी रवि व सब सुद्धा रविच असल्याने तो व्दितीयाचा कार्येश होत नाही. पण मी फोर स्टेप चा विचार करतो. या नुसार बुधाच्या चवथ्या पायरीवरील केतू मुळे बुध व्दितीयाचा कार्येश होतो तर चंद्र गुरुच्या नक्षत्रात व मंगळाच्या सब मध्ये असल्याने तो दुसऱ्या, तिसऱ्या व चौथ्या पायरीवर व्दितीयाचा कार्येश होतो. ओहो! परत बुध कि चंद्र? आता इथे आपल्याला जो दुसरा प्रश्न विचारला आहे “पहिल्या विवाहाचा शेवट कोणत्या प्रकारे झाला असेल?”  तो न विचारता ती माहिती दिली असती तर बुध कि चंद्र? या वर पडदा पडला असता. जर जातकाने घटस्फोट दिला असेल तर बुध व जर पहिल्या पत्नीचा प्रसूती समयी / शल्यक्रिये दरम्यान / घातपात / अपघाताने मृत्यू झाला असेल तर चंद्र असा निर्णय घेता आला असता. हंsssss असो तर बुधा पेक्षा चंद्र व्दितीय विवाहाचे जास्त बलवान संकेत देत असल्याने मी हा निर्णय घेत आहे कि सप्तमाचा सब चंद्र आहे म्हणजे जन्मवेळ २१ ऑग.१९७७ ला रात्री ११:१९:२२ ते ११:२३:२७ दरम्यान आहे.

सप्तमाचा नक्षत्रस्वामी, सब हे निश्चित झाले आता सब सब निश्चित करून अधिक सूक्ष्म जन्मवेळ काढू. गुरु, चंद्राचा वापर झालेला असल्याने अर्थातच सप्तमाचा सब सब बुध घ्यावा लागेल दुसारा पर्यायच नाही. आता गंमत अशी होतीये कि सब सब बुधाचा घेतला तर सप्तमातील रास बदलते अर्थात लग्न बदलते. तुळेत चंद्राच्या नक्षत्रात शनि पर्यंतचेच सब सब येतात बुधाचा सब सब वृश्चिकेत जातो. शासकग्रहांशी बांधिलकी राखायची असेल तर मार्ग नाही. आपण रेक्टिफिकेशन सप्तमाच्या सब वरून करतो आहोत तो बदलत नाहीये व अंदाजे जन्मवेळे पासून फार दूर जात नाहीये त्यामुळे हे योग्य राहील. जन्मवेळ येईल २१ ऑग.१९७७ ला रात्री ११:२१:४५. वृषभ लग्न वृश्चिक रास येईल. आता जन्म लग्न बदलले असल्याने (आपण अगोदर कार्येशत्व हे मेष लग्ना नुसार काढले होते.) आता परत सप्तमाचा सब चंद्राचे कार्येशत्व वृषभ लग्ना नुसार काढूया. चंद्र गुरु च्या नक्षत्रात मंगळाच्या सब मध्ये आहे यात बदल नाही. लग्न बदलले तरीही सप्तमाचा सब चंद्र २,७,८,९ या भावांचा बलवान कार्येश आहे जो व्दितीय विवाह दाखवतो.  सप्तमाचा सब चंद्र घेतला असल्याने दुसऱ्या प्रश्नाचे उत्तर मिळाले आहेच पण हा तर्क आहे. वास्तवात काय घडले ते कळेलच. कळाले कि कळलेल कळवेळ, खाली कमेंट करेलच. Rectification of Birth हे तर्क व तांत्रिक बाब आहे आणि आपल्याला जी माहिती पुरवली गेली तिचा वापर करत त्या परिघात सविस्तर लिहिले आहे. नंतर जातकाच्या जीवनातील इतर घटने आधारे जर हि जन्मवेळ चुकीची ठरत/ठरवत असेल तर ती आपली चूक नाही. ती अन्य इतर माहिती अगोदर देणे आवश्यक होते.  धन्यवाद

ता.क.- या केसेच्या दुसऱ्या प्रश्नाचे उत्तर प्रश्नकर्ताने वेळेत दिले आहे पण इथे द्यायला मला उशीर झाला. त्याचा स्क्रीनशॉट येथे देत आहे.

पुढील लेख:- खंडग्रास सूर्यग्रहण, नाशिक – २०२२