||श्री||
मागील लेख :- साठी उत्तरकांड भाग-२
साठी उत्तरकांड भाग -३
दुसऱ्या भागात आपण पहिला विवाह प्रेम
विवाह का झाला? याची कुंडलीत शोधाशोध केली. दुसरा विवाहही प्रेम विवाहच झाला. आता
दुसरा विवाह होणे विशेष नाही, नाही झाला तर चिंता केली जाते. मग तुम्ही म्हणाल एवढे
तीन तीन भागात लिहिण्या सारखे काय आहे, जर पहिला विवाह अयशस्वी झाला तर दुसरा
विवाह करणे आता सामान्य बाब आहे. वय, मंडळी जातकाचे वय. जातकाने दुसरा
विवाह केला त्यावेळी या स्त्री जातकाचे वय साधारण ६१ वर्षे होते. ना या विधवा
होत्या ना परित्यक्त. या निराधार असतील असेही नाही, कारण यांनी घटस्फोट घेवून सहा
महिन्यातच ७५ वर्षाच्या व्यक्तीशी दुसरा प्रेम विवाह केला. त्या मुळे आयुष्याच्या
संध्याकाळी एकटेपणा खायला उठत असेल व काळजी घेणार कुणी सोबती असावं म्हणून दुसरा
विवाह केला असा विचार करण्या सारखी परिस्थिती दिसत नाही. कदाचित सून/जावाई,
नातवंडांच्या भरल्या घरातल्या असतील. पहिला विवाह अगदीच अयशस्वी झाला अस म्हणण्या
इतकी यांच्या वैवाहिक जीवनाची माहिती नाही साधारण ४० एक वर्षाचे यांचे सहजीवन
राहिले असेल कारण घटस्फोट ६० व्या वर्षी झाला. शिवाय पहिला विवाह हा प्रेम विवाह
होता. यांच्या पतीची कुंडली उपलब्ध झाली नाही त्यामुळे थोडा एकांगी विचार करावा
लागेल.
घटस्फोटाचे पहिले पाऊल मानसिक तयारी
असते. उतार वयात दीर्घ प्रेम सहजीवना नंतर हि गोष्ट इतकीही सहज वाटत नाही. (८०
च्या दशकातील त्या काळी असाच एक खळबळजनक ठरलेल्या डॅनी डेन्झोप्पा, झीनत अमान,
संजय खान अभिनित 'धुंध' चित्रपटातले एक गाणे आठवले “उलझन सुलझे ना, रस्ता सूझे ना,
जाऊं कहां मैं जाऊं कहां” त्याची व्हीडीओ लिंक वरती दिली आहेच.)
वृश्चिक रास साहसी निर्णय घेणारी, दबाव
झुगारणारी, परंपरा मोडणारी, रिती रीवाजाची/नीती अनीतीची पर्वा न करणारी, तमा न बाळगणारी.
त्यात चंद्र व चंद्र लग्नेश मंगळ युती राहू शनीच्या पापमध्यात अस्थिर मानसिकता
देणाऱ्या बुधाच्या नक्षत्रात व व्दिस्वभाव मीन नवमांशी. चंद्र कुंडलीत तीव्र मंगळ दोष.
(गुण मेलनात सहसा असा विचार केला जात नाही, पण येथे अशी ग्रहस्थिती आहे.) सप्तमेश
गुरु वैवाहिक जीवनात बाधा आणणारा म्हणून कुप्रसिद्ध असलेल्या मंगळाच्या नक्षत्रात
व त्याच्या पूर्ण सप्तम दिप्तांश दृष्टीत आहे. सप्तमेश गुरुच्या व्दितीयात केतू, सप्तमात
मंगळ, अष्टमात राहू तर कारक शुक्राच्या अष्टमात शनी असे पापग्रह आहेत. पंचमेश शनी व
सप्तमेश गुरु हे प्रीती षडाष्टकात, तर मंगळावर गुरूची दृष्टी यामुळे दीर्घ सहजीवना
नंतर या प्रेम विवाहाची परिणीती घटस्फोटात झाली.
घटस्फोटाचे जे काही कारणे असतील त्यात
एक दुसरे प्रेम (प्रेम त्रिकोण) असावे अशी शंका येते, असो. पारंपारिक मध्ये दुसरा
विवाह हा नवमा वरून पाहिला जातो तर कृष्णमुर्ती मध्ये तो व्दितीयाच्या सब वरून. दुसरा
विवाह पारंपारिक कि प्रेम या बद्दल ज्योतिष शास्त्रात चर्चा आढळत नाही. याचे कारण
पहिल्या भागात आले आहेच. पहिल्या विवाह संबंधित योगांचे धागे पकडूनच विचार करू.
चंद्र कुंडलीत पंचमेश गुरु व नवमेश चंद्र समसप्तकयोग. क्षेत्र कुंडलीत नवमेश व
कारक शुक्रा पासून पंचमेश नवमेश चंद्र मंगळ युती. पंचमेश शनी व नवमेश शुक्र नवमांशात
युती. असा संबंध लावता येतो.
आपण तब्बल तीन भाग वेळ काढून वाचले या
बद्दल आपले आभार.
