||श्री||
खरे तर मला लोकसभा निवडणुकीवर भाष्य करायचे नव्हते. दोन कारणे होती, दुसरे कारण म्हणजे या साठी कुंडली कोणती घ्यावी? चैत्र शुद्ध प्रतिपदा मराठी नववर्ष कि वसंत संपात दिन २१ मार्च की १४ एप्रिल मेष संक्रांती कि १६\१७ जुलै चे खंडग्रास चंद्रग्रहण विचारात घ्यावे हा निर्णय करू शकत नव्हतो. मेदनियेत ग्रहणाचा प्रभाव मागे पुढे ६,६ महिने धरावा असा प्रघात आहे. पहिले कारण असे कि कुंडली पहायची उठाठेव तरी का करावी जर शेवटी येणार तर मोदीच आहे. (..........शेवटी येणार तर मोदीच आहे. अशी ओळ कमेंटच्या शेवटी सोशल मिडीयात लिहिली जातेय म्हणून म्हटलं, असो.) असे आहे तर मग हे अग अग म्हशी.... मी का करतोय? दोन कारणे आहेत. दुसरे म्हणजे मागच्या लेखात (राष्ट्रशल्य) मी कर्क व मकर राशी बाबत मला जे सुचले त्याचा वापर करून पहावा असे वाटले. निष्कर्ष जे काही निघतील ते बघावे. बरोबर चूक काही येवो. विचार जो काही सुचलाय त्याचे परीक्षण स्वत:च करायला हवे ना? नुसते विधान करून काय उपयोग? पहिले कारण म्हणजे मोदी पुन्हा पंतप्रधान होतील कि नाही? काय म्हणते ज्योतिष अशी विचारना मेसेंजरवर होतेय. अनेक ज्योतिषांनी लिहिलंय पण तुमच मत काय? कतुहल म्हणा, कुचेष्टा म्हणा कि परीक्षा म्हणा पण विचारले जातेय. जातक व मेदनिय या दोन वेगळ्या शाखा आहेत हे सांगूनही विचारणा होतेय. तेव्हा बघू तर खर म्हणून लागलो कामाला.
लोकसभा - २०१९ निवडणूक हि ११ एप्रिल ते १९ मे २०१९ दरम्यान ७ चरणात घेतली जाणार.
१) ११/४/२०१९ २) १८/४/२०१९ ३) २३/४/२०१९ ४) २९/४/२०१९ ५) ६/५/२०१९ ६) १२/५/२०१९ ७) १९/५/२०१९
असे सात चरण ठरले आहेत व २३/५/२०१९ ला मत मोजणी होणार आहे. सात पैकी पाच चरण हे मेष संक्रमणात होणार आहेत. पहिले चरण मीन संक्रमणात तर सातवे चरण वृषभ संक्रमणात होणार आहे. माझा जो विचार आहे त्या नुसार भारताचे कर्क लग्न व मकर रास असा असल्याने कर्क लग्नाच्या कुंडलीचे गोचर वरून विश्लेषण करावे लागेल. यात आपण जनमताचा कौल बघणार आहोत, पण सत्ताधारी अथवा विरोधी यांना जागा जास्त मिळतील अस्या अर्थाने. सरसगट एका बाजूचे उमेदवार निवडून येतील असा नाही कारण वैयक्तिक उमेदवाराचेही ग्रहमान आहेतच ना.
या कुंडलीचा विचार आपण पहिल्या चरणातील मतदाना साठी करणार आहोत. मीन संक्रांत कुंभ लग्न ८ अंश १८ कलांवर झाली आहे. लग्नेश चंद्रच असल्याने जनतेचा प्रतिनिधी म्हणून अन्य ग्रहाचा विचार करण्याची अवशक्यता नाही. सताधारी पक्षाचा प्रतिनिधी मंगळ तर विरोधी पक्षाचा प्रतिनिधी शुक्र आहे. मंगळ दशमात स्वराशीत आहे त्यामुळे सत्ताधारी मजबूत आहे. चंद्र हा मंगळाशी लाभ योग करणार आहे तर शुक्राशी षडाष्टक. याचा फायदा सत्ताधारी गटाला मिळून पहिल्या चरणातील मतदान असलेल्या जागांपैकी सत्ताधारी गट जास्त जागा मिळवील. २२ मार्चला मंगळ वृषभेत म्हणजे लाभात प्रवेश करेल पण त्याचा प्रतिकूल परिणाम होईलसे वाटत नाही. प्रत्यक्ष मतदानाच्या दिवशी चंद्र मंगळ व्दिर्दादर्शक योग रात्री उशिरा झाला आहे. त्याच्या परिणामामुळे सत्ताधारी व विरोधी गटाला मिळाणाऱ्या जागा संखेतील अंतर कमी होण्याची शक्यता आहे. पण एकंदर पहिल्या चरणात जनमताचा कौल हा वर्तमान सत्ताधारी गटा कडे असेल.
कोणत्याही टिप्पण्या नाहीत:
टिप्पणी पोस्ट करा