जनमत २०१९ भाग २

|| श्री||

मागील लेख :- जनमत २०१९ भाग १

“मागील भागात आपण पहिल्या चरणाचा विचार केला. एक स्पष्टीकरण पुन्हा देतो कि हे प्रायोगिक तत्वावर आहे. किंचित वेगळ्या प्रकारे इथे आपण विचार करत आहोत, भारताचे कर्क लग्न मकर रास घेवून. मतदानाच्या सात चरणांपैकी पाच चरण हे मेष संक्रमणात होत आहेत हे आपण पाहिले आहे.”

२)  मेष संक्रांत :- १४/४/२०१९, दु.२:०८.

  चंद्र मंगळ लाभ योग तर चंद्र शुक्र षडाष्टक योग आहे. अंशात्मक पाहायचे झाले तर १४ ला पहाटे ४:३० च्या आसपास लाभ योग झाला आहे तर दुसऱ्या दिवशी पहाटे ४:०० च्या आसपास षडाष्टक योग होतो आहे. या वरून इतके म्हणता येईल कि पहिल्या चरणा नंतर दरम्यानच्या काळात जनमत हे सत्ताधारी गटाला अधिक अनुकूल अगोदरच झाले आहे तर विरोधी गटाला ते अजून प्रतिकूल होणार आहे. सत्ताधारी गटाचा प्रतिनिधी मंगळ दशमस्थान सोडून लाभात आल्याने फारसे बिघडणार नाही. लोकसभेचा विचार लाभावरून होतो व येथील मंगळाची निवडणूक स्थानावर पूर्ण दृष्टी राहणार असल्याने २ ते ५ या चार चरणातील मतदानावर सत्ताधारी गटाचा चांगलाच प्रभाव, दबदबा असणार आहे.
 १६ एप्रिल ला शुक्राचा उच्चराशित प्रवेश झालेला आहे. तरी राजकारक चंद्र, रविशी त्याचे प्रतिकूल योग आहेत. रविशी व्दिर्दादर्शक तर चंद्राशी षडाष्टक योगातून बाहेर पडला असला तरी त्याच्या प्रत्यक्षवैर दृष्टीत आहे. १८ एप्रिलच्या दुसऱ्या चरणातील मतदानाच्या दिवशी चंद्र मंगळ मध्ये नवपंचम हा शुभ योग होतो आहे. जरी रविचा शुक्र व मंगळ दोघांशी असलेला अशुभ योग चुरस निर्माण करीत असला तरी रवी सत्ताधारींच्या स्थानात असल्याने ते बाजी मारून जातील. या चरणातील विरोधीगटाचे बालेकिल्ले ते हस्तगत करू शकतील.

  सत्तेचा कारक रवी दशमात उच्चीचा झाल्याने व हर्शल सारख्या ग्रहाशी आठऐक दिवसात युती करायला जाता असल्याने व उच्चांशा जवळ असल्याने २३ एप्रिलला झालेल्या तिसऱ्या चरणाच्या मतदानातील जागांपैकी काही जागांवर तर उत्तुंग यश सत्ताधारी गटाला मिळण्याची शक्यता आहे. पण २३ एप्रिल पूर्वी झालेले चंद्र मंगल प्रतियोग व चंद्र शुक्र नवपंचम योग काही जागांवर विरोधी गटाला भरपाई करून देतील. २९ एप्रिलच्या चवथ्या चरणात सत्ताधारी गटाला चंद्रा पेक्षा रवी यश मिळवून देईल.

  १ मे ला मंगळाचा वक्री शनी, केतूशी झालेला षडाष्टक व ५ मे ला वक्री गुरूशी झालेला प्रतियोग गुप्त शत्रू, अंतर्गत गटबाजी, धर्म, न्याय विरोधामुळे ६ मे च्या पाचव्या चरणा दरम्यान सत्ताधारी गटाला काही फटका बसू शकतो.

 आजच ७ मे ला मंगळाचा मिथुन प्रवेश झाला असल्याने तो व्ययात आला. मंगळ दशम, लाभात असल्याने सत्ताधारी गटाला जी विन पोझिशन मिळाली होती त्याचा सपोर्ट आता नाही. गुरु शनी केतू शी असणारे त्याचे अशुभ योग राहणार आहेतच. त्यामुळे धार्मिक विरोध, गुप्त शत्रुंचा त्रास, न्यायसंस्थेचे अडथळे प्रतिकूलता वाढवू लागतील.  १० तारखेला शुक्र मेषेत दशमात आल्याने विरोधी गटाला आघाडी मिळण्यास पोषक. १० मे ला चंद्र मंगळ व्दिर्दादर्शक योग तर चंद शुक्र केंद्र योग होऊन जातील. व्दिर्दादर्शक पेक्षा केंद्र योग बरा. तरी रवी दशमात असल्याने १२ मेच्या सहाव्या चारणात सत्ताधारी गटाची घोडदौड बरी असेल.

एकंदरीत दशमातील रवी हर्शल या पाच चरणात सत्ताधारी गटाला घवघवीत, प्रचंड यश मिळवून देवू शकतात.

क्रमश:  

पुढील लेख :- जनमत - २०१९ भाग 3